إعلام

الصحفية نجوى الهمامي : اذا تتعاقب الصحفية ماتتعاقبش وحدها علاء الشابي هو المسؤول أيضا

نشرت منذ قليل الصحفية نجوى الهمامي التي كانت ضمن الفريق الاعدادي سابقا على قناة الحوار التونسي تدوينة على خلفية ما صار من الحوار المباشر اللذي بث منذ قليل على قناة التاسعة :
#متضامنة مع الزميلة وان أخطأت
لبنى بن عبد الله نعرفها ماللي دخلت نخدم وقتها في الحوار ، خدمت مع علاء تقريبا في كل برامجه بكل مواسمها خدامة ومحراث متاع خدمة ومتربية ياسر ، اليوم أخطأت نعم أما مافماش علاش هالقطاع الموبوء يهبط عليها سكاكن كالعادة عمرو مايتضامن.
اي غلطت والخطأ فادح أما ماتعرفوش شمعناها تخدم في قناة خاصة وتقول لا مانخدمش ومانمشيش للبلاصة هاكي خاصة مع منشط عمرو ماتجاوز عتبة الدفاع عن احد ضيوفه كي يضرب مرتو ويبررلو العنف ضدها…
رجعت تفرجت في الفيديو باش نفهم وسمعت الهرسلة متاع المنشط الي هي تقلو ناس متغششة وهو يقلها واصل ووينك لبنى ؟
ويزيد يقول بعد نعتذر مالمشاهدين والصحفية باش تتعاقب..اي اما ماتتعاقبش وحدها انت المسؤول الأول عاللي صار علاء الشابي لأنك لست مهني وحتى أسئلتك اللاهثة وراء نسبة المشاهدة المقيتة يجب أن تحاسب عليها.
اوقفوا مهزلة برامج الرداءة
#متضامنة مع الزميلة وان أخطأت
نجوى الهمامي

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى