قفصة : سائق تاكسي يُعيد 5 الاف دينار لحريف نسيها بسيارته “متاع الناس للناس” (فيديو)
صنع سائق تاكسي الحدث على مواقع التواصل الإجتماعي و ذلك بعد مشاركة قصّة وقعت له مع أحد حرفائه و ذلك بعد أن نسي هذا الأخير كيسا يحتوي على 5 آلاف دينار في سيارة الأجرة، و كان تصرّف هذا السائق نبيلا و شهما فبدون أدنى تفكير منه قام بإعادة المبلغ لصاحبه.
و تحدّث ذات السائق الذي يدعى “مسعود السعدي” و هو أصيل قفصة عبر تدخل له في برنامج إذاعي على ديوان أف أم، موضّحا :”عندي 12 عام و انا في ميدان التاكسي و الحمد لله، الأسبوع الي فات حريف ضيع بورطابل في التاكسي ورجعتهولو للدار.. والمرة هذه حريف آخر هاز كرذونة ووصلتو للسوق و هبط و مشيت.. هزيت حريف آخر انتبهت للكرذونة فيبالي متاعو قتلو ماتنساش كرذونتك هزها و مشى على روحه كان شارب.. و بعد 3 ايام جابهالي و قالي ماهيش متاعي و بعد لوجنا على الحريف الاول مولاها و رجعتهالو .. و ماناقص منها حتى فرنك.. متاع الناس للناس”.
وقد أثار تصرفه النبيل تفاعل التونسيين عبر صفحات مواقع التواصل الاجتماعي وعلقوا :”يرحم والديه ربي يباركلو في صحتو و مالو ويجازيه كل خير”.
الفيديو :
