غادر البلاد لتلقي العلاج لإصابته بمرض نادر..قصة نجاح تونسي حلّق في سماء نجوم العالم:”كنت نبات في الشارع و توا أنا أشهر حلّاق في فرنسا”(فيديو)
تحدث التونسي عبد الرزاق ‘زاك لرتيست’ الملقب بحلاق النجوم في باريس في حوار مع قناة “مزيانيسيمي” على اليوتيوب عن تجربته في الغربة معبّرا عن إمتنانه الكبير لما وصل إليه اليوم بعد رحلة كفاح طويلة في فرنسا و كيف نجح في أن يتغلّب على الصعاب و يحقق حلمه و يصبح أشهر حلّاق تونسي في فرنسا.
و قال متحدّثا عن تفاصيل تجربته :” انا من صفاقس.. خذيت فيزا الصين و هبطت في باريس مرمدوني و بعد مشات الطيارة للصين، اما شديت الصحيح و بقيت في باريس.. نهار كنت متعدي قدام الحانوت الي احنا فيه توة نلقى كاتبين حانوت للكراء كان حلم حياتي.. كلّمت صحابي اللي عندهم فلوس و كل شي مافماش اللي حب يرحمني .. قلتلهم باش يسلفوني 1000 أورو باش نكري..”.
و أضاف :”لقيت قدري مع الدزيرية ناس طيبة والله .. سميت روحي zak l’artiste, و النجوم بدات تجيني والعباد و بديت ندخل في الصناع معايا .. نفتخر بروحي حجام تونسي جا من البلاد لا نعرف نكتب لا نعرف نقرا وكونت روحي و ثقفت روحي …. انا تو فخور بروحي بمرتي بأمي بابا ..بأصحابي اللي عاونوني”.
وكشف بالمناسبة أنه يمارس هذه المهنة منذ 24 سنة، وأنه غادر البلاد بادئ الأمر لتلقي العلاج إثر إصابته بمرض نادر كاد يودي بحياته، لافتا إلى أن بداياته لم تكن سهلة وعانى الأمرين.
الفيديو :
