مبادرات

شهادة مواطنة غادرت الحجر الصحي في احد النزل: رغم الامكانيّات الصّعيية تونس عملت الّي ما عملتّوش بلدان اوروبيّة

بعد ان انهت فترة الحجر الصحي باحد النزل، تحدثت المواطنة التونسية ندا مرعوي عن تجربتها الشخصية وعن المعاملة التي وجدتها في تونس بعد عودتها من مدينة ليون الفرنسية.

واكدت المواطنة التونسية انها حضيت بالرعاية منذ وصولها الى تونس الى حين انهالئها الحدر الصحي، كما تحدثت ايضا عن المعاملة الطيبة من قبل الفريق الطبي والشبه الطبي والمتطوعين واجتهادهم في تقديم احسن الخدمات.

وختمت ندا تدوينتها بالتاكيد على ان تونس ورغم ضعف امكانياتها غير انها جتهدت وفعلت ما لم تفعله عديد البلدان الاوروبية.

وفيما يلي نص التدوينة:

السلااااام باش نحكيلكم تجربتي مع الحجر الصحّي عالمباشر 😁
هذا رابع نهار، جيت من ليون الاحد 4 ماي، الحمد لله وصلنا لمطار تونس قرطاج لاباس. ملّي هبطنا عقّموا الباسبورات و قاسوا السّخانة، لقينا الكيران يستنّاو فينا و برشة ناس لاهين بينا الّي يعرضك يهزّ الباڤاج و الّي يعدّيك للكار الّي شطرها براسك فارغ، ماخذين احتياطاتهم لأقصى درجة. واللّه شيْ يفرّح علّخر 😍 قصدنا ربّي للحمّامات وبالتّحديد نزل مارينا بالاس و معانا كرهبة متاع حاكم ولاّ زوز 🤔😅 دخلنا بالكار بالكار، عرضونا برشة شباب لابسين في الابيض ما يبانوا كان عينيهم 👻هبّطوا الفلايج عقّموهم، شدّينا الصفّ دخّلونا بالواحد بالواحد بعد ما قاسولنا السّخانة مالباب، الداخل فمّا طبيبة طرحت برشة اسئلة عالصحّة.. و واحدة اخرى تعطي رقم البيت، لا تضيع و لا تحير انت اسإل برك تلقاهم دلّوك و فهّموك.. كلّ شخص في بيت وحدو، البيوت نظاف و كبار يعملوا الكيف و جابولنا فازات للميناج (سطل، ركلات..) و كل يوم يفرّقوا علينا شقان الفطر و السّحور والّي ناقصنا يجيبوه.
الصّباح يدوروا علينا الّي يحبّ يشري حاجة يقضيولوا
و ما تسمع كان الكلمة الطيّبة، جملتهم الشّهيرة: اطلب الّي تحبّ نجيبولك المهمّ ما تخرجش من بيتك.
والله تاعبين معانا و عاملين اكثر من جهدهم يعطيهم الف صحّة.
الف شكر وشويّة للنّاس الكلّ الّي ساهموا و تعبوا باش نروّحوا لبلادنا في احسن الظّروف، ان شاء الله ربّي يباركلهم و يرحم والديهم.
رغم الامكانيّات الصّعيية تونس عملت الّي ما عملتّوش برشة بلدان اوروبيّة 🇹🇳🇹🇳ان شاء الله ربّي يحفظنا و يسترنا.
ب.س: ما نعرف حدّ لا من قريب و لا من بعيد، شهادة حقّ واكهو 😇
نهاركم زين و شاهية طيّبة 😊😊

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error

Enjoy this blog? Please spread the word :)