محمد رمزي حمزة : اخر حل لقاوه باش يضحكونا (تقليد أصحاب الإحتياجات الخاصة⁦)

يعتبر وجهه مألوفا لدى أغلب التونسيين منذ اطلالته في برنامج وحش الشاشة و ما عشناه معه من معاناته الشخصية على خلفية مرضه النادر نشر الشاب التونسي تدوينة بعد مشاهدته مقطعا من سيتكوم دنيا أخرى الذي يحتوي على مشهد تقليد سيء لأصحاب الاحتياجات الخاصة و ذالك قصد إضحاك الناس و هذا ما نشر :

و لانني المعاق المعروف والمشهور في الدول العربية والأوروبية منها ولانني مشهور حتي في القوقل … يمكن اشهر من هالزويز مشهور بكفاحي وصراعي الازلي مع عقلياتكم المتخلفة

مانيش بش نتكلم فقط نحبكم نهار اخر تنجموا تقنعوا عبد او حتي جيل القادم انو مايضحكش عليا انا ولا علي اي معاق في تونس بطبع لا علاش لانو في تلفزة الي هي مصدر الوعي متاعو تعديلو في صور تاع ناس تقلد في المعاق بش تضحكو معنتها غدوكة المشهد يبقي لاصق في عقله الواعي وبناءا علي ذلك يتحرك اللاواعي لانه خزن ورسخ تلك المشاهد وبنى أحكامه علي هذه الصور ليقوم بارسال اشارات لتحريك هرمونات للضحك ويقوم الانسان بالضحك لاشعوريا عادي يعني

كفاه بش تقنعو الي هو ينجم يتحاسب عليه

اولا انا ماعندي حتي اتصال وحت علاقة بمنظمة الدفاع عن حقوق المعاقين وووووو ويني من كل هذا انا كان جيت عندي ربع انخراط في المنظمة راني قيمتها وقعدتها الدنيا اما لكم الله يا معاقو تونس …

ويني الهيكا
ويني منظمة دفاع عن حقوق الانسان

وينهم شيوخ الفتنة و والوعود الزائفة والرقية الشرعية ؟
وينهم لي يحبو ربي ومايحكيو كان بربي وديما في فمهم الله للله هكا يحب ربي ؟ لتحاميو عليه ؟

وينهم جماعة الاختلاف والمثلية وندراشنيا والحرية

كلكم دقوا في حناكم دقان حنك وتشقشيق الحناك اما في صحيح يجيبهم ربي

زايد سقاط من.لبارح موش من ليوم

ملاحظة نقول معاقين اي ومانيش بش نبدلها كلمة معاقين لانكم عندكم عقدة من كلمة معاقين وفيبالكم سبة لا يا سيدي معاق وافتخر معاق واحارب عن حقوقي خير من ذوي الاحتياجات الخاصة وحقي مهضوم …

شعملتو للمعاقين اه قدنالهم امورهم ولينا نعيطولهم ذوي الاحتجاجات الخاصة هههه
قداكم ضحكة يا شعب بما فيكم هازوز قرودة الي يقلبو في مناظرهم وعلاه تخسرو في طاقة تاعكم نتوما هكاكة مناظركم ضحكة انتوما ضحكة … ماتضحكوش راكم ضحكة ….

سلام

الحمدولله علي نعمه القوة …
محمد رمزي حمزة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *