غير مصنف

هام جدا : الدكتور بوراوي بداي يحذر من استعمال القفازات الطبية في هذه الحالات

نشر منذ قليل الدكتور بوراوي بداي تدوينة على صفحته الرسمية يحذر فيها استعمال القفازات الطبية بالطريقة الخاطئة و كتب ما يلي :
اليوم باش نفسرلكم علاش ما يلزمكمش تلبسو القفازات (الڤواندوات) كيف تخرجو تقضيو و إلا وقت الي تخدمو في المغازات و الإدارات و غيرها.
جلد الإنسان و خاصة في منطقة اليدين مخلوق بطريقة تمنع دخول الجراثيم بكل انواعها داخل الجسم بما في ذلك فيروس الكورونا و الحمد لله. يوجد على جلد اليد طبقة من الكيراتين تمثل حاجز يستحيل على الفيروس المرور خلاله و مع هذا الحاجز يصنع الجلد بصفة متواصلة عدة مواد و انزيمات تقوم بتدمير الفيروس بعد ساعات من وجوده فوق اليد. يعني الخطر الوحيد من العدوى عن طريق اللمس هو انه يكون الفيروس على يدّك مازال حيّ ثم انك تقوم بلمس فمّك و الا خشمك و الا تحك عينيك وقتها الفيروس يدخل للبدن و هاكا علاش وين نغسلو يدينا اكثر و نمسو وجوهنا أقل وين يكون عندنا حظ اكبر باش ما نمرضوش.
شنوه يصير وقت تلبس القفازات :
– القفازات تحمي الفيروس من الافرازات الي على الجلد و الي هي مجعولة باش تقتلو و ما تحميش يدك.
– الفيروس يعيش على القفازات مدة اطول بكثير من الي يعيشها على الجلد يعني امكانية عدوى أكبر.
– و انت لابس القفازات ما تنجمش تغسل يديك كيما يلزم و تحس بشعور غالط بالأمان و ما تنتبهش كي تمس وجهك.
و لذا ما تلبسوش الڤواندوات يرحم والديكم.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى